سعودی ولی عہد محمد بن سلمان نے بھی کورونا ویکسین لگوالی

(24نیوز)عوام کا اعتماد بحال کرنے کیلئے سعودی ولی عہد محمد بن سلمان  نے بھی کورونا ویکسین لگوالی۔

 سعودی عرب کے ولی عہد محمد بن سلمان بن عبدالعزیز نے انسداد کورونا ویکسین کی پہلی ڈوز لگوالی ہے۔ویکسین لگوانے پر سعودی ڈاکٹرز  نے ولی عہد کا شکریہ ادا کرتے ہوئے کہا  محمد بن سلمان کی رہنمائی کے باعث شہریوں اور غیرملکیوں کےلئے ویکسین کی جلد فراہمی ممکن ہوئی۔

#WATCH: #SaudiArabia’s Crown Prince Mohammed bin Salman receives his first dose of a #COVID19 vaccine on Friday. Read more here: https://t.co/wWANuP3Ks5 pic.twitter.com/AteUMxa9ul

— Arab News (@arabnews) December 25, 2020

سعودی وزیر صحت ڈاکٹر توفیق الربیعہ کا کہنا تھا کہ  عالمی سطح پر محفوظ ترین ویکسین کو انتہائی مختصر وقت میں مملکت کے شہریوں اور یہاں مقیم غیر ملکیوں کے لیے فراہم کرنا احسن اقدام ہے۔اب حاصل ہونے والی کامیابیاں ولی عہد محمد بن سلمان اور حکومت کی بہترین حکمت عملی کا نتیجہ ہیں۔

خیال رہے کہ سعودی حکام کی جانب سے شہریوں اور ریاست میں مقیم غیر ملکیوں کی حفاظت کےلیے خاطر خواہ موثر اقدامات اٹھائے جارہے ہیں، چند روز قبل برطانیہ میں وائرس کی نئی قسم  سامنے آنے پر سعودی حکومت نے شہریوں و غیرملکیوں کی حفاظت کیلئے بین الاقوامی سرحدیں بند کردی تھیں۔