"بہاولپور ،چڑیا گھر میں 7 نایاب ہرن پراسرار طور پر ہلاک"

 (24نیوز)بہاولپور کے چڑیا گھر میں نایاب نسل کے 7 ہرن پراسرار طور پر ہلاک جبکہ 12 ہرن اب بھی شدید بیمار ہیں۔
   بہاولپور چڑیا گھر کی انتظامیہ کے مطابق درجنوں ہرن اچانک جنگلے میں تڑپنے لگے۔ تھوڑی ہی دیر میں ان میں سے 7 ہرن دم توڑ گئے۔چڑیا گھر کی انتظامیہ کا کہنا ہے کہ فوری طبی امداد کے باعث 22 ہرنوں کو بچا لیا گیا ہے۔انتظامیہ کے مطابق چڑیا گھر میں ان ہرنوں کی پراسرار ہلاکت کی وجہ ابھی نہیں بتائی جا سکتی۔ ہرنوں کی ہلاکت کی وجہ معلوم کرنے کے لئے ان کے نمونے لاہور بھیج دیئے گئے ہیں۔