دبنگ خا ن کا 55 ویں سا لگرہ پر انو کھا اقدام

(24نیوز) سلمان خان کل55 سال کے ہوجائیں گے لیکن اب بھی فلم نگری اور باکس آفس پر ان کا دبدبہ قائم ہے۔ سالگرہ کے موقع پر ممبئی میں ان کے گلیکسی اپارٹمنٹ کے باہر مداحوں کا رش لگ جاتا ہے اور مداح اپنے پسندیدہ اداکار کی ایک جھلک کے منتظر ہوتے ہیں۔ سلمان خان نے اپنی 55 ویں سالگرہ کے موقع پر گھر کے باہر مداحوں سے جمع نہ ہونے کا بورڈ لگوا دیا۔
تفصیلا ت کے مطا بق رواں سال سلمان خان نے مداحوں کو گھر کے باہر کورونا کے باعث آنے سے منع کردیا ہے اور ایک روز قبل ہی پیغام کے ساتھ بورڈ آویزاں کر دیا گیا ہے۔بورڈ پر پیغام میں سلو میاں نے کہا ہے کہ ’مداحوں کا میری سالگرہ پر پیار سالہا سال سے زبردست رہا ہے لیکن اس سال کورونا کے باعث گھر کے باہر جمع نہ ہونے کی اپیل کی ہے‘۔ان کا کہنا تھا کہ ماسک پہنو ، ہاتھ سینیٹائز کرو اور سماجی فاصلہ برقرار رکھو‘۔