کراچی پریس کلب انتخابات، ڈیمو کریٹ گروپ کا کلین سویپ 

(24 نیوز) کراچی پریس کلب کے سالانہ انتخابات میں ڈیمو کریٹ نے کلین سویپ کردیا ۔
تفصیلات کے مطابق کراچی پریس کلب کے سالانہ انتخابات کے حتمی نتائج کا اعلان کردیاگیا،انتخابات میں ڈیموکریٹک گروپ نے میدان مار لیا، فاضل جمیلی 607 ووٹ لیکر صدر اورشازیہ حسن 764 ووٹ لیکرنائب صدر منتخب ہو گئیں، اسی طرح جنرل سیکرٹری رضوان بھٹی 843 لیکر کامیاب قرارپائے،سیکرٹری خزانہ وحید راجپر 844،جوائنٹ سیکرٹری ثاقب صغیر 822لیکر کامیاب ہو گئے۔
واضح رہے کہ کراچی پریس کلب میں رجسٹرڈ وٹوں کی تعداد1493 ہے، پولنگ کے دوران کل 1185ووٹ کاسٹ کئے گئے، ووٹ کاسٹ کا وقت صبح نو بجے سے پانچ بجے وقت کا تھا و، ووٹرز کی تعداد کو دیکھتے ہوئے ووٹنگ کے عمل کو ایک گھنٹہ بڑھایا بھی گیا تھا۔