محکمہ موسمیات کی ہلکی بارش اور برفباری کی پیشگوئی

(روزینہ علی)محکمہ موسمیات نے ملک بھر میں موسم کے حوالے سے پیشگوئی کرتے ہوئے کہا ہے کہ پہا ڑی علا قوں میں چند مقامات پر ہلکی بارش اور ہلکی برفباری جبکہ میدانی علاقوں میں چھائے رہنے کی توقع ہے۔

 آج رات موسم کی صورتحال کے حوالے سے محکمہ موسمیات کا کہنا ہے کہ ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد رہنے کا امکان ہے  تاہم کشمیراور ملحقہ پہا ڑی علا قوں میں مطلع جز وی ابر آلود رہنے کے علا وہ چند مقامات پر ہلکی بارش اور ہلکی برفباری ہو سکتی ہے،پنجاب کے زیادہ ترمیدانی علا قوں، خیبر پختو نخوا اور با لا ئی سندھ میں سموگ/دُھند چھائے رہنے کی توقع ہے۔

جمعہ کے روزموسم کی صورتحال اسلام آباد اور گردونواح میں موسم سرد اور مطلع ابر آلود رہنے کے علا وہ شام  ہلکی بو ندا با ندی کی توقع ہے، صبح کے اوقات میں موسم شدید سرد رہنے کے علاوہ چند مقامات پر کہرا جبکہ بعض مقامات پر دُھند پڑنے کا امکان ہے۔

خیبرپختونخوا صوبہ کے بیشتر اضلاع میں موسم سرد اورخشک جبکہ پہاڑی علاقوں میں شدید سرد رہنےکے ساتھ ایبٹ آباد، ما نسہرہ، چترال، سوات ، دیر، کو ہستان میں مطلع ابر آلود رہنے کے ساتھ ہلکی بارش اوربرفباری کا امکان ہے، صبح اور رات کے اوقات میں صوابی، مردان، پشاور، نوشہرہ، کوہاٹ،بنوں، ڈیرہ اسماعیل خان اور گردو نواح میں چند مقامات پر دھند پڑنے کی توقع ہے۔ 

پنجاب کے بیشتر اضلاع میں موسم سرد اور خشک رہنے کی توقع ہے،مری، گلیات اور گردو نواح میں موسم شدید سرداورمطلع ابر آلود رہنے کے ساتھ بارش اور ہلکی برفباری کا امکان ہے،منگلا، جہلم ، راولپنڈی، سیالکوٹ، نارووال، گوجرانوالہ، لاہور، شیخوپورہ بہاولنگر اور گردو نواح میں رات ہلکی بارش/ بو ندا با ندی ہو سکتی ہے، رات اور صبح کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، ،ا وکاڑہ، ساہیوال،سرگودھا، فیصل آباد،جھنگ،بھکر، لیہ ، ملتان،بہاولپور، بہا ولنگر، رحیم یار خان ،ڈی جی خان اور گردونواح میں درمیانی سے شدید سموگ چھائے رہنے کی توقع ہے۔

بلوچستان کے بیشتر اضلاع میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے،سندھ  کے بیشتر اضلاع میں موسم سرد اورخشک رہنےتاہم صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند /سموگ چھائے رہنے کی توقع ہے۔

 کشمیر اور گلگت بلتستان میں موسم شدید سرد ، مطلع ابر آلود رہنے کے ساتھ چند مقامات پر ہلکی بارش اور برفباری کا امکان ہے۔

یہ بھی پڑھیں: او جی ڈی سی ایل کا پسپا کی 5 کنووں سے خام تیل کی پیداوار میں87 فیصد اضافے کا اعلان