(ویب ڈیسک)معروف ماڈل، گلوکار اور اداکار عمر شہزاد بھی مسجدالحرام میں نکاح کرکے شادی کے بندھن میں بندھ گئے۔
کبریٰ خان اور گوہر رشید نے حال ہی میں مسجد الحرام میں نکاح کیا،اب عمر شہزاد بھی شادی کے بندھن میں بندھ گئے اور انہوں نے شادی کی اطلاع اور تصاویر مسجد الحرام سے ہی جاری کی ہیں۔
عمر شہزاد نے تصاویر کے ساتھ کیپشن میں سورہ النبا کی آیت لکھی جس کا مفہوم ہے کہ اورہم نے تم کو جوڑا جوڑا پیدا کیا۔
اداکار نے مزید لکھا کہ مکہ مکرمہ کے بابرکت آسمانوں تلے ایک نیا آغاز ہماری زندگی محبت، ایمان اور اللہ کی برکتوں سے بھرپور ہو۔
یہ بھی پڑھیں:اہلیہ سنیتا آہوجا کو طلاق کی خبریں: گووندا کاردعمل آگیا
عمر شہزاد نے اس پوسٹ میں اپنی اور اہلیہ کی تصویر بھی شیئر کی لیکن دونوں کے چہرے نظر نہیں آ رہے ،اداکار نے ایک اور تصویر شیئر کی جس میں دونوں نے غلاف کعبہ کو چھونے کی سعادت حاصل کی ہے۔
ان تصاویر پر صارفین کی جانب سے مبارکبادکے ساتھ ساتھ جوڑے کے لیے نیک خواہشات کااظہارکیاجارہاہے۔