وراسٹائل اداکارہ بشریٰ انصاری کو برطانوی پارلیمنٹ سے اہم اعزازمل گیا
یہ ایوارڈ ان تمام فنکاروں کے نام کرتی ہوں جنہوں نے پاکستان کے ثقافتی ورثے کو دنیا بھر میں روشناس کرایا
Stay tuned with 24 News HD Android App
(ویب ڈیسک)سینئراوروراسٹائل اداکارہ بشریٰ انصاری کو ڈرامہ انڈسٹری میں خدمات کے اعتراف میں برطانوی پارلیمنٹ کی جانب سے اہم اعزاز" ایوارڈ آف ریکگنیشن" سے نواز دیا گیا،بشریٰ انصاری یہ اعزاز حاصل کرنے والی پہلی پاکستانی ڈرامہ اداکارہ ہیں۔
برطانوی رکنِ پارلیمنٹ یاسمین قریشی نے تقریب کی میزبانی کی، جس میں بشریٰ انصاری کی پاکستانی ٹیلی ویژن انڈسٹری میں بے مثال خدمات کو سراہا گیا۔
اس موقع پراپنے خطاب میں بشریٰ انصاری نے پاکستانی ڈراموں کے عالمی اثرات پر روشنی ڈالتے ہوئے کہاکہ پاکستانی ڈرامے ناصرف ملک کی ثقافت، روایتی لباس اور اردو زبان کو فروغ دیتے ہیں بلکہ برطانیہ سمیت دنیا بھر میں دیکھے اور پسند کیے جاتے ہیں۔
انہوں نے یہ ایوارڈ اپنے تمام ساتھی فنکاروں اور کہانی نویسوں کے نام کرتے ہوئے کہا کہ یہ میرے لیے اعزاز کی بات ہے کہ مجھے اتنے باوقار مقام پر یہ ایوارڈ دیا گیا۔
یہ بھی پڑھیں:اداکار عمر شہزاد نے بھی مسجد الحرام میں نکاح کرلیا
بشریٰ انصاری کامزید کہنا تھاکہ میں اس کا سہرا ان تمام فنکاروں کے سر باندھتی ہوں، جنہوں نے پاکستان کے ثقافتی ورثے کو دنیا بھر میں روشناس کرانے کے لیے انتھک محنت کی۔
اس سے قبل برطانوی پارلیمنٹ میں ماہرہ خان کو لائف ٹائم اچیومنٹ ایوارڈ اور فہد مصطفیٰ کو ڈائیورسٹی اینڈ کلچرل امپیکٹ ایوارڈ اور گلوبل کلچرل یونٹی ایوارڈز دیے جا چکے ہیں۔