(24 نیوز)چین کے صدر شی جن پنگ نے نو منتخب امریکی صدر جو بائیڈن کی انتظامیہ کو تنبیہ کرتے ہوئے کہاہے کہ امریکا نئی سرد جنگ سے باز رہے۔
میڈیا رپورٹ کے مطابق چین کے صدر شی جن پنگ نے عالمی اقتصادی فورم سے خطاب کرتے ہوئے کہاہے کہ بیجنگ اور اسکےاقتصادی ماڈل کے خلاف محاز آرائی کی کوشش نئی سرد جنگ کو جنم دے سکتی ہے۔یاد رہے کہ صدر جوبائیڈن نے کہا تھا کہ وہ پہلے ہی برس عالمی اجلاس بلائیں گے، چین جیسی مطلق العنان حکومتوں کے خلاف جمہوریتوں کا محاذ بنائیں گے۔چین کے صدر نے امریکا کا نام لئے بغیر کہا ہے کہ ایسا اقدام مسلح تنازع کی راہ ہموار کرے گا۔