کوئٹہ: سبزی منڈی میں دھماکہ، 3 افراد زخمی، تحقیقات جاری

(مانیٹرنگ ڈیسک) صوبائی دارالحکومت کے علاقے ہزار گنجی میں سبزی منڈی کے دروازے پر  دھماکے ، تین افراد زخمی ہوگئے ۔

تفصیلات کے مطابق  پولیس حکام کا کہنا ہے کہ کوئٹہ کے علاقہ ہزار گنجی میں قائم سبزی منڈی کے دروازے کے قریب دھماکہ ہوا جس میں تین افراد زخمی ہوگئے ہیں  جبکہ دو کی حالت تشویشناک ہے،ریسکیو حکام نے زخمیوں کو طبی امداد کے لئے ہسپتال منتقل کردیا ہے۔

دھماکے کے باعث قریبی عمارتوں کے شیشے ٹوٹ گئے ہیں۔پولیس نے بتایا کہ دھماکے کے فوری بعد ایف سی اور ریسکیو کی ٹیمیں جائے وقوعہ پر پہنچ گئی ہے جبکہ امدادی کارروائیاں جا ری ہیں۔

 پولیس حکا م کے مطابق علاقے میں سرچ آپریشن جاری ہے ، دھماکے کی نوعیت کے حوالے سے ابھی کچھ کہا نہیں جا سکتا، تحقیقات ابھی جاری ہیں۔سکیورٹی ٹیموں نے علاقے کو بند کرکے بم ڈسپوزل سکواڈ کو طلب کرلیا ہے۔ 

یہ بھی پڑھیں:    دو منہ والےسانپ کی ویڈیو وائرل