وزیراعظم عمران خان کی آزادکشمیر الیکشن میں جیت پر پی ٹی آئی امیدواروں کو مبارکباد

(24 نیوز) وزیراعظم عمران خان نے آزاد کشمیر الیکشن میں کامیابی پر کہا ہے کہ تمام امیدواروں کو مبارکباد دیتا ہوں، کشمیر کا مسئلہ عالمی سطح پر اٹھاتا رہوں گا۔
سماجی رابطے کی ویب سائٹ ٹویٹر پر وزیراعظم عمران خان نے لکھا کہ آزاد کشمیر کی عوام نے اپنے ووٹوں کے ذریعے پی ٹی آئی پر اعتماد کیا، ان کے اعتماد کے نتیجے میں پی ٹی آئی کو انتخابات میں فتح ملی۔

I want to congratulate all our successful candidates. As ambassador for Kashmir I will continue to raise my voice on all international forums incl UN to ensure the int community fulfills its commitment of self determination to the Kashmiri ppl through a UN-sponsored plebiscite.

— Imran Khan (@ImranKhanPTI) July 26, 2021

انہوں نے لکھا کہ احساس اور کامیاب پاکستان کے ترقیاتی منصوبوں کے ذریعہ آزاد کشمیر کوغربت سے نکالنے پر توجہ دیں گے، ہم حکومت میں احتساب اور شفافیت قائم کریں گے۔
وزیراعظم نے لکھا کہ الیکشن میں کامیابی حاصل کرنے والے تمام امیدواروں کو مبارکباد دیتا ہوں، کشمیر کا سفیر ہونے کے ناطے میں اقوام متحدہ سمیت عالمی فورموں پر کشمیر کے مسئلے پر آواز بلند کرتا رہوں گا، اقوام متحدہ کو باور کراؤں گا کہ وہ کشمیر سے متعلق کیا گیا اپنا وعدہ پورا کرے۔

یہ بھی پڑھیں: آزاد کشمیر انتخابات : تحریک انصاف نے سادہ اکثریت حاصل کرلی