انگلینڈ نے سری لنکا کو ہرا کر ٹی ٹونٹی سیریز جیت لی

(24نیوز)انگلینڈ نے دوسرے ٹی 20 میچ میں سری لنکا کو دھو ل چٹا کر89 رنز سے شکست دے دی ، اور دو میچوں کی سیریز اپنے نام کرلی۔

تفصیلا ت کے مطابق سری لنکا کی پوری ٹیم 181 رنز کے تعاقب میں مقررہ 20 اوورز بھی نہ کھیل سکی اور 91 رنز بناکر آؤٹ ہوگئی،سری لنکا کی جانب سے صرف تین کھلاڑی ڈبل فگرز میں داخل ہوسکے۔فرنینڈو 20 رنز بناکر نمایاں بلے باز رہے۔انگلینڈ کی جانب سے ڈیوڈ ویلی نے تین جبکہ سیم کرن نے دو کھلاڑیوں کو آؤٹ کیا۔

اس سے قبل انگلینڈ نے مقررہ 20 اوورز میں چھ وکٹوں کے نقصان پر 180 رنز بنائے تھے۔انگلینڈ کی جانب سے دونوں اوپنرز نے ٹیم کو شاندار آغاز فراہم کیا۔بیئر سٹو 51 اور ڈیو ڈ میلان 76 رنز بناکر آؤٹ ہوئے۔تاہم اوپنرز کے بعد کوئی بھی کھلاڑی جم کر بیٹنگ نہ کرسکا۔ انگلینڈ نے چھ وکٹوں کے کے نقصان پر 180 رنز بنائے۔سری لنکا کی جانب سے چمیرا سب سے کامیاب باؤلر رہے انہوں چار اوورز میں 17 رنز دیکر چار کھلاڑیوں کو آؤٹ کیا۔

یہ بھی پڑھیں:زویا ناصر سے رشتہ ٹوٹنے کے بعد کرسٹن بیٹزمین کے تہلکہ خیز انکشافات