(ویب ڈیسک)5 افراد پر مشتمل فرانسیسی خاندان نے سوئٹزلینڈ کے پرفضا مقام پر واقع ہوٹل کی ساتویں منزل سے چھلانگ لگا دی ، 4 افراد موقع پر ہلاک ہو گئے، پندرہ سالہ لڑکے کی حالت نازک ہسپتال داخل کرادیا گیا۔
غیر ملکی میڈیارپورٹ کے مطابق پانچ افراد پر مشتمل خاندان جینوا کی جھیل کنارے واقع ہوٹل میں ٹہرا ہوا تھا۔ گزشتہ روز دو پولیس افسربچوں کی اسکولنگ کے حوالےسے معلومات لینے ہوٹل پہنچے اور کمرے کا دروازہ کھٹکھٹایا جس پر اندرسے کسی نے پوچھا کیا کام ہے پولیس افسروں نے اپنی شناخت بتائی تو خاموشی چھا گئی ۔ پولیس افسر واپس چلے گئے۔ ریسیپشن پر پہنچنے پر پتہ چلا کہ چار افراد نے ساتویں منزل سے چھلانگ لگا دی ہے۔ پوچھ گچھ پر معلوم ہوا کہ یہ وہی فیملی ہے جس کا دروازہ پولیس اہلکاروں نے کھٹکھٹایا تھا۔ خاندان میں میاں بیوی، خاتون کی جڑواں بہن جو آئی اسپیشلسٹ تھی جبکہ خاتون خود ڈینٹسٹ تھی اور انکا بیٹا بیٹی شامل ہیں۔
پولیس نے واقع کی تفتیش شروع کردی ہے تاہم ابھی تک کوئی سراغ نہیں مل سکا نہ ان کی اجتماعی خودکشی کی وجہ پتہ چل سکی ہے۔
خیال رہے کہ تمام افراد فرانسیسی ہیں اور کئی سالوں سے سوئٹزرلینڈ میں رہ رہے تھے۔
یہ بھی پڑھیں: موسم کے حوالے سےمحکمہ موسمیات نے بڑی خبر سنا دی