دلہا دلہن کی گاڑی کو آگ لگ گئی

(ویب ڈیسک)  لاہور میں رائیونڈ روڈ پر ڈگری کالج کے قریب دولہا دلہن کی گاڑی کو آگ نے اپنی لپیٹ میں لے لیا۔

تفصیلات کے مطابق لاہور میں ڈگری کالج کے قریب  بارات کی واپسی پر دلہا دلہن کی گاڑی میں اچانک آگ بھڑک اٹھی ۔  آگ لگتے ہی دولہا دلہن فوری گاڑی سےنکل گئے جس کے بعد آگ نے پوری طرح گاڑی کو اپنی لپیٹ میں لے لیا۔

واضح رہے اطلاع ملنے پر ریسکیو ٹیم نےموقع پر پہنچ کر آگ پر قابو پا لیا تاہم گاڑی جل کرتباہ ہوگئی البتہ کسی جانی نقصان کی اطلاع نہیں ملی۔ابتدائی تحقیقات کے مطابق گاڑی میں آگ شارٹ سرکٹ سے لگی۔

یہ بھی پڑھیں:    نامعلوم افراد نے پی ٹی آئی کے انتخابی کیمپ کو آگ لگادی