(24 نیوز)تحریک انصاف کے چیئرمین عمران خان کیخلاف تھانہ سی ٹی ڈی میں درج مقدمات کا معاملہ، سی ٹی ڈی اسلام آباد نے عمران خان سمیت 17 شخصیات کو طلب کرلیا ۔
پی ٹی آئی کی قیادت کو مقدمہ میں شامل تفتیش ہونے کیلئے حکم نامہ بھجوایا گیا ہے ،عمران خان ،مراد سعید ،عامر کیانی ،امجد نیازی ،راجہ خرم نواز ، علی امین گنڈا پور کو بھی بلایا گیا ہے،شبلی فراز ،اسد عمر، ڈاکٹر شہزاد وسیم بلائے جانے والوں میں شامل ہیں،فرخ حبیب ،عمر ایوب، حماد اظہر، اسد قیصر، حسان خان نیازی کا نام بھی شامل ہیں،عمران خان کے سی ایس او کرنل ریٹائرڈ عاصم کو بھی بلایا گیا ہے ،ان تمام کو تھانہ سی ٹی ڈی میں درج مقدمہ میں بلایا گیا ہے ۔
عمران خان ،اسد عمر ،علی نواز اعوان ،عامر مغل ،جمشید خان سمیت 10 افراد کو تھانہ گولڑہ میں درج مقدمہ میں بلایا گیا ہے ،تمام افراد شامل تفتیش ہو کر اپنا موقف پیش کریں گے ،پیش نا ہونے کی صورت میں قانونی کارروائی کی جائے گی۔
یہ بھی پڑھیں: جنوبی افریقا نے ٹی 20 کرکٹ کا نیا عالمی ریکارڈ بنادیا