(ویب ڈیسک)دبئی میں دس روز سے لاپتہ فحش ماڈل شدید زخمی حالت میں سڑک کے کنارے گری ہوئی مل گئی ۔
اطلاعات کے مطابق یوکرین سے تعلق رکھنے والی ماریہ 9 مارچ کو متحدہ عرب امارات میں ایک پارٹی کے لیے ہوٹل میں مدعو تھی جس کے بعد وہ لاپتہ ہوگئی تھی۔
خاتون کے اہلخانہ اس وقت پریشان ہو گئے جب دو دن بعد وہ دبئی سے تھائی لینڈ جانے والی اپنی طے شدہ پرواز میں نہیں تھی،بعدازاں وہ 19 مارچ کو دبئی کی ایک سڑک کے قریب زخمی حالت میں پائی گئی جہاں اسے نامعلوم افراد کی جانب سے پھینک دیا گیا تھا،اس کی ریڑھ کی ہڈی اور ہاتھ پاؤں متعدد مقامات سے ٹوٹے ہوئے تھے۔
دبئی پولیس نے بھی ماڈل کے زخمی حالت میں ملنے کی تصدیق کی ہے۔
یہ بھی پڑھیں:ہانیہ عامرکے ذکر پر میرب علی کے ردعمل نے مداحوں کے دل جیت لیے
پولیس کاکہناہے کہ یوکرینی شہری جس کے لاپتہ ہونے کی اطلاع تھی وہ اس وقت ہسپتال میں داخل ہے اور اپنے اہل خانہ کے ساتھ ہے جہاں وہ طبی امداد حاصل کر رہی ہے۔