سی پیک سے پاکستان میں 75 ہزارملازمتیں فراہم کی گئیں، چینی وزارت خارجہ

(24 نیوز)پاک چین تعلقات کے بارے میں عزم کا اعادہ کرتے ہوئے چینی وزارت خارجہ کے ترجمان نے سی پیک کی اہمیت اجاگر کی ہے۔
ایک پریس کانفرنس میں چینی وزارت خارجہ کے ترجمان چاؤ لی جیان نے بتایا کہ ”دی بیلٹ اینڈ روڈ“ کے ایک اہم اور پائلٹ پروجیکٹ کی حیثیت سے ”چین پاکستان اقتصادی راہداری“ (سی پیک) نے اپنے قیام کے بعد سے ہی نقل و حمل کی بنیادی تنصیبات، توانائی، بندرگاہوں اور صنعتی پارکس کی تعمیر میں نمایاں پیش رفت کی ہے۔
یہ منصوبہ نہ صرف پاکستان میں معاشی اور اقتصادی ترقی کو تیز تر بنانے کےلئے موزوں ہے بلکہ علاقائی روابط کو فروغ دینے میں بھی فعال کردار ادا کر رہا ہے۔
انہوں نے کہا کہ اعداد و شمار کے مطابق، سی پیک کے آغاز سے اب تک اس منصوبے سے پاکستان کیلئے مجموعی طور پر 75,000 ملازمتیں پیدا ہوگئی ہیں۔
سی پیک کی اعلیٰ معیار کی تعمیر کو فروغ دینے کےلئے چین، پاکستان کے ساتھ کام کرنے پر راضی ہے اور لوگوں کے معیار زندگی کو بہتر بنانے، علاقائی روابط و معاشی یکجہتی کو فروغ دینے میں زیادہ سے زیادہ کردار ادا کرے گا۔

یہ بھی پڑھیں: مایوس کن کارکردگی کا جشن منانے کی ضرورت نہیں، محمد زبیر کا اسد عمر کو مشورہ