(ویب ڈیسک) بھارتی معروف فلم ساز کرن جوہر نے اپنی فلم ’راکی اور رانی کی پریم کہانی‘کی پہلی جھلک جاری کر دی گئی۔ فلم میں ’راکی‘ کا کردار بھارتی معروف اداکار رنویر سنگھ جبکہ ’رانی‘ کا کردار بالی ووڈ کی ہر دلعزیز اداکارہ عالیہ بھٹ نبھا رہے ہیں۔
تفصیلات کے مطابق بالی ووڈ کے معروف ہدایتکار کرن جوہر کے انڈسٹری میں 25 سال مکمل ہونے پر انہوں نے نئی فلم ’راکی اور رانی کی پریم کہانی‘ سے کم بیک کیا ہے۔
راکی اور رانی کی پریم کہانی ایک کامیڈی رومانوی فلم ہے جس میں گنگو بائی اسٹار عالیہ بھٹ اور رنویر سنگھ مرکزی کردار نبھا رہے ہیں۔ فلم کی دیگر کاسٹ میں امیتابھ بچن کی اہلیہ دیا بچن، دھرمندر، شبانہ عظمی جیسے بڑے اور سینئر اداکار بھی شامل ہیں۔
کرن جوہر نے فلم کا پوسٹر جاری کرتے ہوئے اعلان کیا ہے کہ" وہ بالی ووڈ میں اپنی ہدایتکاری کے کیرئیر کے 25 برس مکمل ہونے کے موقع پر ناظرین کیلئے "راکی اور رانی کی پریم کہانی" پیش کر رہے ہیں۔
انہوں نے اپنی تمام فلموں کی جھلکیوں کی ویڈیو شیئر کرتے ہوئے کیپشن میں لکھا کہ "میں نے ڈائریکٹر کی کرسی پر جو جادوئی 25 سال گزارے ہیں ان کے لیے شکر گزاری کے سوا کچھ نہیں ان 25 سالوں میں میں نے بہت کچھ سیکھا۔"
یاد رہے کہ کامیڈی اور ڈرامہ سے بھرپور فلم"راکی اور رانی کی پریم کہانی" 28 جولائی کو سنیما گھروں کی زینت بنے گی۔