دپیکا پڈوکون اور شاہ رخ جلد’’ پٹھان ‘‘میں جلوہ گر ہونگے

24 نیوز :بالی ووڈ  کی ڈمپل گرل دپیکا پڈوکون اپنی آنے والی فلم ’پٹھان‘ میں زبردست ایکشن کرتی نظر آسکتی ہیں۔اس فلم میں وہ ایک  ایجنٹ کا کردار ادا کریں گی۔

تفصیلات کے مطابق ادکار شاہ رخ طویل عرصے سے فلموں سے دور ہیں اور وہ آخری مرتبہ 2018 میں ریلیز فلم ‘زیرو‘ میں نظر آئے تھے۔شاہ رخ جلد ہی فلم ’پٹھان‘ کی شوٹنگ کریں گے۔

اس فلم میں ان کے ساتھ اداکارہ دپیکا پڈوکون اور اداکارجان ابراہم بھی کردار نبھائیں گے۔ کہا جارہا ہے کہ دپیکا اس فلم میں ایک  ایجنٹ کا کردار ادا کریں گی جو شاہ رخ کے ساتھ ان کے مشن کا حصہ ہوں گی۔یہ بھی کہا جارہا ہے کہ اس فلم میں دیپیکا زبردست سٹنٹ کریں گی۔

اس فلم میں سلمان خان ایک کیمیو بھی کریں گے۔فلم ’ پٹھان‘ یش راج بینر تلے بنائی جارہی  ہے اور اس فلم کی شوٹنگ مختلف ممالک میں کی جائے گی۔