عمران خان نے وسیم اکرم کو جزیرے پر اکیلا چھوڑ دیا

(ویب ڈیسک) سوئنگ کے سلطان وسیم اکرم نے سابق وزیراعظم اور سابق کپتان عمران خان کے ساتھ گزارے ہوئے یادگار اور دلچسپ لمحات کو یاد کیا۔

سوشل میڈیا پر لیجنڈ کرکٹر وسیم اکرم کی ایک ویڈیو وائرل ہورہی ہے جس میں انہوں نے بتایا کہ عمران خان ایک سخت کپتان تھے لیکن وہ بہت مذاق کیا کرتے تھے۔

عمران خان کے ساتھ گزرے ایک دلچسپ واقعے پر گفتگو کرتے ہوئے وسیم اکرم نے انکشاف کیا کیرئیر کے ابتدائی دنوں میں عمران خان کا ساتھ کافی دلچسپ رہا، ایک مرتبہ عمران خان نے کہا کہ چلو نائٹ کلب چلتے ہیں جس پر میں نے کہا میں تیار ہوں، وہاں پہنچ کر عمران خان نے دودھ آرڈر کیا۔ وہاں عمران خان کو لڑکیوں سے ہاتھ ملاتا دیکھ کر میں حیران رہ گیا۔

یہ بھی پڑھیے: وسیم اکرم کی کتاب ’سلطان‘ میں اہم انکشافات

Circuit stories with @wasimakramlive pic.twitter.com/iEiRg07Gtb

— The Grade Cricketer (@gradecricketer) November 24, 2022

دوران انٹرویو وسیم اکرم نے عمران خان کے ساتھ ایک عجیب وغریب واقعہ بھی شیئر کیا اور بتایا کہ ہم ائیر پورٹ پر ان کی خاتون دوست سے ملنے گئے جس کے پاس ذاتی طیارہ تھا وہ ہمیں 45 منٹ کی پرواز سے ایک جزیرے پر لے گئی، وہاں پہنچ کر عمران خان اور ان کی دوست اندر باتیں کرنے چلے گئے اور ہمیں جنوبی امریکی جزیرے کے درمیان اکیلا چھوڑدیا جہاں سے میں ہوٹل واپس بھی نہیں جاسکتا تھا۔