(محمد دلشاد علی ) مبارک پور میں شادی والے گھر میں صف ماتم بِچھ گئی ، کمرے میں جنریٹر کا دھواں بھرنے سے باپ بیٹا جاں بحق ہو گئے، بیوی کی حالت تشویشناک ، خاتون کو تشویشناک حالت میں ہسپتال منتقل کردیا گیا، جاں بحق ہونیوالوں میں 24 سالہ محمد عامر ، 2 سالہ عمران شامل ہیں۔
تحصیل احمد پور شرقیہ کے علاقے علی کھاڑک میں کمرے کے اندرجنریٹر کا دھواں بھرنے سے باپ بیٹا جاں بحق ہوگئے۔ریسکیو ذرائع کے مطابق افسوسناک واقعہ شادی کی تقریب میں پیش آیا جہاں جنریٹر کا دھواں بھرنے سے باپ بیٹا موقع پر دم توڑ گئے جبکہ بیوی کی حالت تشویشناک ہے ۔
ریسکیو ذرائع کا بتانا ہے کہ خاتون ثانیہ کو تشویش ناک حالت میں ہسپتال منتقل کردیا گیا ہے جبکہ جاں بحق ہونے والوں میں 24 سالہ محمد عامر ، 2 سالہ عمران شامل ہے۔ریسکیو کی جانب سے باپ بیٹا کی لاشیں لواحقین کے حوالے کردی گئیں۔