ائیر کراچی کے نام سے نئی ایئر لائن لانے کا اعلان
Stay tuned with 24 News HD Android App
(اشرف خان)کراچی کی بزنس کمیونٹی نے ائیر کراچی کے نام سے نئی ایئر لائن لانے کا بڑا اعلان کر دیا۔
کراچی کی بزنس کمیونٹی ائیر کراچی کے نام سے نئی ائیر لائن جلد متعارف کررہی ہے ،نئی ائیرلائن کے نام ائیر کراچی کو سکیورٹی ایکسچینج کمیشن آف پاکستان نے رجسٹرڈ کرلیا ہے۔
ائیر کراچی کے لائسنس کیلئے وفاقی حکومت کو درخواست ارسال کردی ہے ، ائیر کراچی کیلئے پہلے مرحلے میں تین طیارے لیز پر حاصل کیئے جائیں گے۔
ائیر کراچی میں سی او کے منصب پر سدرن کمانڈر ائیر وائس مارشل عمران کو مقرر کردیا گیا ہے ، ائیر کراچی میں عقیل کریم ڈھیڈی ، عارف حبیب اور ایس ایم تنویر شئیر ہولڈرز ہیں ۔
بشیر جان محمد ، خالد تواب، زبیر طفیل ،حمزہ تابانی کا نام بھی شیئر ہولڈرز کی فہرست میں شامل ہے۔ ائیر کراچی کا لائسنس چند دنوں میں حاصل ہونے کے قوی امکانات ہیں ۔
حنیف گوہر کے مطابق ائیر کراچی 5 ارب روپے کی سرمایہ کاری سے شروع کی جارہی ہے ، ائیر کراچی میں فی شئیر ہولڈرز کا حصہ پانچ کروڑ روپے ہے۔