بد ترین مہنگائی۔یکم نومبر سے پٹرول مزید مہنگا ہو گا: مریم اورنگزیب

 (24نیوز)مسلم لیگ ن کی ترجمان مریم اورنگزیب  نے کہاہے کہ  بدترین مہنگائی کی وجہ سے عوام پریشان ہیں،یکم نومبر سے پٹرولیم مصنوعات کی قیمتوں میں مزید اضافہ ہو گا۔

ٹوئٹر پر جاری بیان میں  مریم اورنگزیب  کا کہنا تھا کہ یکم نومبر کو گیس، بجلی، آٹا، چینی، دالیں، تیل، سبزیاں اور دوائی مہنگی ہو گی،انہوں نے کہا کہ نومبر میں گیس مہنگی بھی ہوگی اور ملے گی بھی نہیں، 3 سال آئی ایم ایف کی تابعداری میں عوام کا معاشی قتل کیا گیا۔

یکم نومبر سے پٹرولیم مصنوعات کی قیمتوں میں مزید اضافہ ہو گا یکم نومبر کو گیس بجلی آٹا چینی انڈے دالیں تیل سبزیاں پھل دوائی سب مہنگے ہونگے نومبر کے مہینے میں گیس مہنگی بھی ہو گی اور ملے گی بھی نہیں تین سال آئی ایم ایف کی تابعداری میں عوام کا معاشی قتل کیا گیا ہے

— Marriyum Aurangzeb (@Marriyum_A) October 26, 2021

 مریم اورنگزیب کا کہنا ہے کہ عمران صاحب کی کوئی سمت نہیں، کوئی حکمتِ عملی نہیں، مہنگائی کے 70 سال کے ریکارڈ ٹوٹ رہے ہیں،نا لائقی نااہلی اور کرپشن کے تاریخی ریکارڈ ٹوٹ رہے ہیں، ملک میں ترقی کے عمل اور تمام منصوبوں کو تالا لگا ہوا ہے.

ہر روز عوام کو غریب اور بے روزگار کیا جا رہا ہےعمران صاحب کی کوئی سمت نہیں، کوئی حکمت عملی نہیں مہنگائی کے ستر سال کے ریکارڈ ٹوٹ رہے ہیں نالائقی ناہلی اور کرپشن کے تاریخی ریکارڈ ٹوٹ رہے ہیں ہر روز آٹا چینی انڈے سبزیاں، پھل خورنی تیل ، گھی، پڑول ، گیس ، بجلی دوائی مہنگی ہو رہی ہے

— Marriyum Aurangzeb (@Marriyum_A) October 26, 2021

مہنگائی کی وجہ سے والدین بچوں کے سکول کے سردی کے یونیفارم خریدنے کے قابل نہیں رہے، لوگ گھر کا کرایہ دینے سے مجبور ہو چکے،عوام کے چولہے بجھ چکے ہیں اور جیب خالی ہے، ظالم حکومت کا راستہ روک کر ہی مہنگائی کا راستہ روکا جا سکتا ہے۔

 یہ بھی دیکھیں:ترک صدر کی دھمکی کام کر گئی۔۔بڑی وارننگ واپس