آریان خان کی ایک اور واٹس ایپ چیٹ  نے  ہنگامہ برپا  کردیا۔۔اہم  خبر جانیے

(ویب ڈیسک)بھارتی فلم انڈسٹری کے کنگ شاہ ر خ خان کے بیٹے  آریان خان منشیات کیس میں 3 اکتوبر سے گرفتار ہیں، آریان خان کی گرفتاری کے بعد ان کے موبائل فون سے ملنے والی چیٹ نے ہنگامہ برپا کر رکھا ہے اور ہر کوئی اس پر بات کرتا دکھائی دیتاہے تاہم اب مزید واٹس ایپ ڈیٹا آریان خان کے فون سے حاصل کر لیا گیاہے جس میں حیران کن انکشافات سامنے آئے ہیں ۔نئی سامنے آنے والی چیٹ میں آریان خان مبینہ طور پر مزید دو افراد کے ساتھ ”کوکین پلان “ پر بات چیت کر رہے ہیں جس دوران وہ مذاق کرتے ہوئے اپنے دوستوں کو دھمکاتے ہیں کہ وہ این سی بی کو ان کے خلاف کارروائی کا کہہ رہے ہیں ۔

بھارتی میڈیا کے مطابق چیٹ کے دوران آریان خان منشیات خریدنے پر بھی بات چیت کر رہے ہیں اور 80 ہزار بھارتی روپے کی ’ ویڈ ‘ (منشیات کی ایک قسم )کا آرڈر بھی دیا ،اس سے قبل آریان خان کے واٹس ایپ پیغامات میں چنکی پانڈے کی بیٹی اننیا پانڈے کے ساتھ تعلق بھی ملا جس میں وہ ’ ویڈ‘ حاصل کرنے پر بات کر رہے ہیں ، رپورٹس کے مطابق آریان خان نے مبینہ طور پر اننیا پانڈے سے پوچھا کہ ” تم نے ویڈ خرید لی ہے “ ۔جس پر اننیا پانڈ ے نے جواب دیا کہ ” میں حاصل کر رہی ہوں “۔رپورٹس میں یہ بات بھی سامنے آ رہی ہے این سی بی نے اننیا پانڈے کے علاوہ آریان خان کی تین دیگر بالی ووڈستاروں کے بچوں کے ساتھ کی گئی چیٹ بھی حاصل کر لی ہے ۔

آریان خان کی درخواست ضمانت خصوصی عدالت کی جانب سے 20 اکتوبر کو مسترد کر دی گئی تھی جس کے بعد ان کے وکلاءکی جانب سے ممبئی ہائیکورٹ میں درخواست دائر کی گئی جس کی سماعت آج ہونے جارہی ہے ۔

یہ بھی پڑھیں: بچوں کے پہلے ہی 2 سال ضائع ہو چکے ۔۔چھٹیاں ہوں گی یا نہیں؟