(مانیٹرنگ ڈیسک) اسرا ئیل کے فلسطینوں پر مظالم کا ایک لامتناہی سلسلہ جاری ہے ، ایک تازہ ویڈیو وائرل ہوئی ہے جس میں دیکھا جا سکتا ہےکہ اسرائیلی سیکیورٹی فورسز کے اہلکار فلسطنیوں کے ایک قبرستان کو مسمار کرنے کی کوشش کر رہے ہیں اور اس موقع پر ایک ماں اپنے بچے کی قبر کو بچاتےہوئے چیخ و پکار کر رہی ہے۔
ٹی آر ٹی ورلڈ کی جانب سے ٹویٹر پر شئیر کی گئی اس المناک ویڈیو میں واضح نظر آ رہا ہے کہ ایک بے بس فلسطینی ماں کو اسرائیل کے قابض فوجی قبرستان سے زبردستی نکال رہے ہیں جبکہ فلسطینی خاتون بیٹے کی قبر کو بلڈوز ہونے سے بچانے کی کوشش کرتے ہوئے چیخ و پکار کر رہی ہے۔واضح رہے کہ اسرائیل مقبوضہ مشرقی یروشلم میں الیوسفیہ قبرستان میں پارک بنانے کے لئے مسلمانوں کی قبروں کو مسمار کر رہا ہے۔
یہ بھی پڑھیں:بشریٰ بی بی کی بیٹی کا نکاح، تصویر سامنے آ گئی