ملکی معاملات آئی ایم ایف چلا رہا ہے، شاہد خاقان

 (مانیٹرنگ ڈیسک)ن لیگ کے رہنما شاہد خاقان عباسی نے کہا کہ نیب ترمیمی آرڈینس بدنیتی پر مبنی ہے، مقصد چیئرمین نیب کو توسیع دینا تھا۔

تفصیلات کے مطابق احتساب عدالت اسلام آباد کے باہر میڈیا سے بات کرتے ہوئے مسلم لیگ نون کے رہنما شاہد خاقان عباسی  نے کہاہے کہ ملک کے معاملات عمران خان نہیں آئی ایم ایف چلا رہا ہے، ہم تو گھبرا رہے ہیں،انہوں نے کہا کہ مسلم لیگ نون کسی ڈیل یا غیر آئینی کام کا حصہ نہیں بنے گی، ہم نیب آرڈیننس کے تحت کوئی ریلیف نہیں مانگیں گے، حکومت نے عجلت میں آرڈیننس کے ذریعے قانون بنایا ہے۔

شاہد خاقان نے کہا کہ وزیراعظم عمران خان کا بیان نہ سنتا ہوں نہ دیکھتا ہوں، خفیہ ملاقاتوں کی ضرورت نہیں جو بات ہوگی عوام کے سامنے ہوگی، کسی ڈیل، سودے اور غیر آئینی کام کا حصہ نہیں بنیں گے،انہوں نے کہا کہ پارٹی قائد میاں محمد نواز شریف علاج کروا کر واپس آئیں گے، ہم کوئی غیر آئینی کام نہیں کریں گے۔

انہوں نے کہا کہ روپے کی قیمت گر رہی ہے، ملک میں مہنگائی بڑھ رہی ہے، روپیہ 15 فیصد گر گیا ہے، بلوچستان میں 2018 میں تبدیلی آئی تھی اب تبدیلی میں تبدیلی آئی ہے۔
 یہ بھی پڑھیں:    پٹرولیم مصنوعات میں اضافہ۔ ریلوے نے بھی کرائے بڑھا دئیے