فیصل واوڈا پی ٹی آئی سینٹرل کور کمیٹی کے واٹس ایپ گروپ سے آﺅٹ ، پارٹی رکنیت بھی معطل

Oct 26, 2022 | 23:48:PM
فیصل واوڈا، پی ٹی آئی سینٹرل کور کمیٹی، واٹس ایپ گروپ، نکال
کیپشن: فیصل واوڈا، فائل فوٹو
Stay tuned with 24 News HD Android App
Get it on Google Play

(ویب ڈیسک)تحریک انصاف کے رہنما فیصل واوڈا کو پی ٹی آئی سینٹرل کور کمیٹی کے واٹس ایپ گروپ سے نکال دیاگیا،فیصل واوڈا کو پارٹی پالیسی کی خلاف ورزی پر شوکاز جاری اور پارٹی رکنیت بھی معطل کردی گئی۔
پی ٹی آئی سندھ کے صدر علی زیدی کی جانب سے اظہار وجوہ کا نوٹس جاری کیاگیا،فیصل واوڈا کو 2 روز میں اپنی پریس کانفرنس پر جواب جمع کرانے کی ہدایت کی گئی ہے،شوکاز کے متن میں کہاگیا ہے کپ پارٹی رکنیت کیوں نہ منسوخ کی جائے دو دن میں جواب دیں ۔


اسد عمر اور بابراعوان نے پارٹی پالیسی سے متعلق ٹوئٹس کر دیئے ۔پی ٹی آئی رہنما اسد عمرنے کہاہے کہ فیصل واوڈا کا بیان پارٹی پالیسی یا موقف نہیں ہے،پارٹی پالیسی کی خلاف ورزی پر فیصل واوڈا کو شوکاز جاری کیا جا رہا ہے۔


بابراعوان کاکہناہے کہ لانگ مارچ سے متعلق پالیسی وہی ہے جس کا اعلان عمران خان نے کیا،آئین کے دائرے میں پرامن احتجاج پر قیادت، کارکنان اور عوام یکسو ہیں،ان کا کہناتھا کہ پاکستان کی تاریخ کا سب سے بڑا لانگ مارچ جمعہ کو شروع ہوگا،گھبرائی ہوئی امپورٹڈ حکومت کے گھر جانے کا وقت ہوا چاہتا ہے۔

مرکزی سیکرٹری اطلاعات تحریک انصاف فرخ حبیب نے کہاکہ فیصل واڈا کی پریس کانفرنس پی ٹی وی دکھا رہا ہے،سرکاری انفارمیشن ڈیپارٹمنٹ انتظامات کروا رہا ہے،فرخ حبیب کا کہناتھا کہ 9 بجے کا خبر نامہ رکوا کر کسی کے الفاظ لیکن زبان اور چہرہ فیصل واوڈا کا استعمال ہورہا ہے،الیکشن کمیشن سے نااہلی کے بعد اہلیت کے لالچ نے کافی کچھ کمپرومائز کروا لیا۔

یہ بھی پڑھیں: 

دیگر کیٹیگریز: پاکستان - قومی
ٹیگز:

متعلقہ خبریں