عمران ملکی تاریخ کا کرپٹ ترین حکمران ۔ اس کے ہاتھ دوسروں کی جیب میں ہوتے ہیں ۔ترجمان نواز شریف

 (24نیوز)پاکستا ن مسلم لیگ(ن) کے قائدمیاں نوزشریف اور نائب صدر مریم نواز کے ترجمان اور سابق گورنرسندھ محمد زبیر نے کہا ہے کہ عمران خان پاکستان کی تاریخ کا کرپٹ ترین حکمران ہے اور اس کے ہاتھ دوسروں کے جیب میں ہوتے ہیں،انہوں نے ایمانداری کا لبادہ اوڑھ رکھا ہے،اگر وزیراعظم کرپٹ نہیں تو تحائف کی تفصیلات بتائیں، یہ بیرون ملک سے آنے والے تحائف ہڑپ کر گئے ہیں، وفاقی حکومت خود کوئی منصوبہ بنا نہیں سکتی بلکہ وہ پنجاب کی طرح کراچی میں بھی ہمارے منصوبوں پر تختی لگا رہی ہے،ن لیگ کے اقدامات کی وجہ سے کراچی میں امن آیا۔
ان خیالات کا اظہار انہوں نے اتوارکومسلم لیگ ہاﺅس کارساز میں پریس کانفرنس سے خطاب کرتے ہوئے کیا،اس موقع پر مسلم لیگ(ن) سندھ کے سیکرٹری اطلاعات خواجہ طارق نذیر اور دیگربھی موجود تھے ۔محمدزبیرنے کہاکہ کراچی میں روز لاشیں ملتی تھیں، ن لیگ کے اقدامات کی وجہ سے کراچی میں امن ہوا، امن آنے کے بعد کراچی میں ن لیگ نے بڑے منصوبے شروع کیے،انہوں نے کہا کہ کراچی واحد شہر تھا جہاں ہماری حکومت نے وفاقی فنڈز سے بجلی و ٹرانسپورٹ کے منصوبے مکمل کیئے۔ کراچی کو ن لیگ نے این ایف سی کے علاوہ بھی حصہ دیا، پورٹ قاسم میں بجلی کے 2منصوبے ن لیگ نے مکمل کیے۔انہوں نے کہاکہ ملک میں 2 ایل این جی ٹرمینلز کام کررہے ہیں، ایل این جی کے 2 ٹرمینلز ہم نے لگائے، ہمیں زبردستی ہٹایا نہ جاتا تو کراچی کیلئے بہت زیادہ بسیں آتیں، حکومت نوازشریف کا شکریہ ادا کرے جنہوں نے یہ منصوبہ شروع کیا۔انہوں نے کہاکہ سال ہو گیا عمران خان نے کراچی کے لیے گیارہ سو ارب روپے کا اعلان کیا تھاتاحال ان گیارہ سوارب کا کچھ پتہ نہیں ہے۔
انہوں نے کہاکہ کے فور منصوبہ ہم نے جہاں چھوڑا تھا آج بھی وہیں ہے۔گرین لائن منصوبے کا80فیصد انفراسٹرکچر ہم نے مکمل کیا۔ ان لوگوں نے3 سالوں میں40بسیں منگوائی ہیں۔ یہ کہتے ہیں کہ کوویڈ کی وجہ سے بسیں منگوانے میں تاخیر ہوئی۔انہوں نے کہاکہ وفاقی حکومت پنجاب کی طرح کراچی میں بھی ہمارے منصوبوں پر اپنی تختی لگا رہی ہے۔محمد زبیر نے کہا کہ کے سی آر سی پیک میں شامل تھا، عمران خان کے سی آر منصوبے کا سنگِ بنیاد رکھنے آرہے ہیں جبکہ شیخ رشید اس منصوبے کا افتتاح بھی کر چکے ہیں۔انہوں نے کہاکہ علی زیدی کو 3 اعشاریہ 5 ارب ڈالر کا پتہ نہیں ہوگا کہ کتنے صفر ہیں۔ اس وقت بورڈ آف انویسٹرز کا کوئی چیئرمین نہیں ہے۔
 یہ بھی پڑھیں۔بے باک ادا کا رہ عالیہ بھٹ نے ایسا کیا شیئر کر دیا کہ سوشل میڈیا کا ماحول گرمادیا۔۔ویڈیو وائرل