شادی کرکے شوبزچھوڑنا چاہتی ہوں، لائبہ خان

(ویب ڈیسک)اداکارہ لائبہ خان نے کہا ہے کہ شادی کرکے شوبز کی فیلڈ چھوڑنا چاہتی ہوں۔

نجی ٹی وی کے ٹاک شو میں گفتگو کرتے ہوئے اداکارہ لائبہ خان نے کہا کہ جب شوبز میں کام شروع کیاتواس وقت ہی فیصلہ کرلیا تھا کہ اس شعبے میں 5 سال کام کرنے کے بعدشوبزچھوڑ دوں گی،اب مجھے اداکاری کرتے ہوئے 5 سال ہوگئے ہیں اور کسی بھی وقت شوبز چھوڑ کر جاسکتی ہوں۔

لائبہ خان نے کہاکہ میں اب شادی کرکے سیٹل ہونا چاہتی ہوں،شادی ایسے شخص سے کرنا چاہوں گی جو خود بھی میری عزت کرے اور اپنے گھر والوں سے بھی کروائے۔

اداکارہ نے کہا ایک زمانے میں خوبصورتی متاثرکرتی تھی لیکن اب پتا چل گیا ہے کہ شادی کرنے کے لیے صرف خوبصورتی کا ہونا ہی کافی نہیں،اگرمیں کسی کو پسند نہیں کرتی تواس کے ساتھ کوئی رشتہ نہیں رکھوں گی،نفرت بھی ایک طرح کا رشتہ ہی ہوتا ہے اس لیے میں کسی سے نفرت کی قائل نہیں۔