یہ پاکستانی بچے ہیں۔۔۔شہزاد رائے نے انوپم کھیر کی غلطی کی اصلاح کر دی

 (مانیٹرنگ ڈیسک)پاکستانی  گلوکار وسماجی کارکن شہزاد رائے نے بھارتی اداکار انوپم کھیر کی غلطی پکڑلی،انوپم کھیر نے سوشل میڈیا پر وائرل پاکستانی بچوں کو بھارتی بچے کہا ہے ۔

تفصیلات کے مطابق بالی ووڈ اداکار انوپم کھیر نے 18 اگست کو ایک وائرل ویڈیو اپنے سوشل میڈیا اکاؤنٹ پر شیئر کی تھی جس میں گاؤں کے چند بچے عام استعمال کی چیزوں سے نہایت خوبصورت دھن بجارہے ہوتے ہیں۔

Sir @AnupamPKher Thanks for sharing the video I shared a few days back. You say that these talented kids are from Bharat, a humble correction, these kids are in fact from Hunza, Pakistan. I am in touch with them and have sent them all the musical instruments they need. https://t.co/KBxzEIFBvV

— Shehzad Roy (@ShehzadRoy) August 27, 2021

 انوپم کھیر نے ٹوئٹر پر ویڈیو شیئر کرتے ہوئے دعویٰ کیا کہ یہ بچے بھارتی ہیں اور لکھا ’’انڈیا کے ایک گاؤں میں کچھ بچوں نے مل کر اپنا بینڈ بنایا ہے، اس بینڈ کے پاس کوئی جدید آلات نہیں ہیں۔ اور انہوں نے کتنی خوبصورت ملٹری بینڈ کی دھن کا انتخاب کیا ہے کیونکہ وہ جانتے ہیں کہ اصل طاقت دل میں ہے۔ سلام ان بچوں کو یہ بچے کہاں ہیں‘‘۔

Please somebody tell me where are these kids and I’ll give them all the instruments they need ???? pic.twitter.com/e4Tq24KFMR

— Shehzad Roy (@ShehzadRoy) August 11, 2021

  حقیقت تو یہ ہے کہ وائرل ہونے والی یہ ویڈیو بھارتی بچوں کی نہیں بلکہ پاکستان کے شہر گللگت بلتستان کی خوبصورت وادی ہنزہ کے بچوں کی ہے۔شہزاد رائے نے انوپم کھیر کی درستگی کرتے ہوئے ٹوئٹر پر انہیں ٹیگ کرتے ہوئے کہا ہے’’سر انوپم کھیر یہ ویڈیو شیئر کرنے کے لیے شکریہ میں نے یہ ویڈیو کچھ دن پہلے شیئر کی تھی۔ آپ کا کہنا ہے کہ یہ باصلا حیت بچے بھارت کے ہیں لیکن میں آپ کی اصلاح کرنا چاہتا ہوں کہ ان بچوں کا تعلق درحقیقت ہنزہ پاکستان سے ہے۔ میں ان بچوں کے ساتھ رابطے میں ہوں اور انہیں  وہ تمام آلات موسیقی بھیجے ہیں جن کی انہیں ضرورت ہے۔

 واضح رہے کہ ڈرم اور ڈبوں سے خوبصورت دھن بجانے والے ان بچوں کی ویڈیو شہزاد رائے نے اپنے سوشل میڈیا اکاؤنٹ پر 11 اگست کو شیئر کی تھی اور لوگوں سے درخواست کی تھی مہربانی کرکے کوئی مجھے بتائے کہ یہ بچے کہاں ہیں میں انہیں وہ تمام آلات موسیقی دوں گا جن کی انہیں ضرورت ہے۔

یہ بھی پڑھیں:    قازغستان :فوجی اڈے پر خوفناک دھماکوں کی گونج، 4 اہلکار ہلاک اور 60 زخمی