اپنے سہولت کاروں کو افغانستان میں نہیں چھوڑیں گے۔انخلا جاری رہے گا۔امریکا

 (24نیوز)امریکا کے ایوان نمائندگان کی خارجہ امور کمیٹی کے چیئرمین گریگری مکس نے کہا ہے کہ کابل دھماکوں کے باوجود افغانستان سے انخلا جاری رہے گا۔
میڈیارپورٹس کے مطابق گریگری مکس نے کہا کہ امریکانے افغانستان میں اپنے مقاصد پورے کر لئے ہیں، امریکا اپنے سہولت کاروں کو بھی افغانستان سے نکالے گا۔ انہوں نے کہا کہ پاکستان کو افغانستان کے معاملے پر اپنا بھر پور کردار ادا کرنے کے ساتھ ساتھ خواتین کے حقوق کے حوالے سے بھی اپنی ذمہ داریاں پوری کرنا چاہئیں،امریکا کا افغانستان سے انخلا غلطی نہیں ہے۔
واضح رہے کہ کابل ائیرپورٹ کے باہر یکے بعد دیگرے دو دھماکوں میں 90 افراد ہلاک اور 150 زخمی ہوئے ہیں، مارے جانے والوں میں 13 امریکی فوجی بھی شامل ہیں۔ ان دھماکوں کی ذمہ داری کالعدم داعش خراسان نے قبول کی ۔امریکی صدر جو بائیڈن نے کابل دھماکوں کی شدید الفاظ میں مذمت کرتے ہوئے کہا کہ حملہ آوروں کو ہرگز معاف نہیں کریں گے، داعش کے دہشتگرد کامیاب نہیں ہوسکتے، مارے جانے والے ہمارے ہیرو ہیں۔
  یہ بھی پڑھیں۔ماہرہ خان نے ایک مرتبہ پھر محبت کا اظہار کردیا