سنجے دت،مادھوری اور جیکی شروف کےساتھ فلم "کھل نائیک2"بنانے کا اعلان

(ویب ڈیسک)بالی ووڈ کے معروف ڈائریکٹر سبھاش گھئی نے سپرہٹ فلم "کھل نائیک" کے سیکوئل"کھل نائیک2"کا اعلان کردیا جس میں سنجے دت، مادھوری ڈکشٹ اور جیکی شروف شامل ہوں گے۔

بالی ووڈ کے معروف ڈائریکٹر نےایک تازہ انٹرویو میں بتایا کہ سنجے دت نے جیل سے انہیں  خط لکھا تھا جس میں فلم کا سیکوئل بنانے کی تجویز دی گئی تھی،فلم کے سیکوئل کی کہانی بالو بلرام کی جیل سے واپسی،مادھوری ڈکشٹ اور جیکی شروف کے شادی شدہ کرداروں اور ان کی زندگیوں پر مبنی ہوگی۔

 سبھاش گھئی کے مطابق فلم کااسکرپٹ تقریباً دو سال سے تیار ہے اور نئی فلم میں سنجے دت بڑے کردار جبکہ ایک نیا اداکار چھوٹے کردار میں نظر آئے گا،مادھوری ڈکشٹ اور جیکی شروف بھی اس فلم کا حصہ ہوں گے۔