پاک فوج کا ہیلی کاپٹر گر کر تباہ، 2میجر زسمیت4 فو جی شہید
Stay tuned with 24 News HD Android App
(24 نیوز)پاک فوج کا ہیلی کاپٹر فنی خرابی کے باعث منی مرگ میں گر کر تباہ ہو گیا،حادثے میں پائلٹ میجر محمد حسین سمیت4 اہلکار شہید ہو گئے۔
پاک فوج کے تعلقات عامہ کے شعبے آئی ایس پی آر کے مطابق ہیلی کاپٹر شہید سپاہی عبدالقدیر کی میت لے کر سی ایم ایچ سکردو جارہا تھاکہ فنی خرابی کے باعث حادثہ پیش آ گیا، آئی ایس پی آر کے مطابق معاون پائلٹ میجر ایاز حسین، نائیک انضمام عالم اور سپاہی محمد فاروق شہیدہو گئے۔
آئی ایس پی آر کے مطابق پائلٹ میجر محمد حسین شادی شدہ اور سکردو کے علاقے کھبلو کے رہائشی تھے، میجرایاز حسین شادی شدہ اور کراچی ملیر کے رہائشی تھے،نائیک انضمام عالم چکوال اور سپاہی فاروق ساہیوال کے رہائشی تھے۔