(ویب ڈیسک)ہالی ووڈ کی مقبول ڈرامہ فلم "بے بی ڈرائیور"کا ننھا اداکار ہڈسن میک 16 سال کی عمر میں ٹریفک حادثے میں چل بسا۔
16 سالہ اداکار ہڈسن میک نے 2017 کی مشہور فلم "بے بی ڈرائیور" میں کم عمر بے بی کا کردار ادا کیا تھا،اس کے علاوہ اس نے بچوں کے شوز میں وائس اوور آرٹسٹ کے طور پر بھی کام کیا تھا،وہ 19 دسمبر کو ایک حادثے میں شدید زخمی ہونے کے بعد 21 دسمبر کو انتقال کر گیا۔
ہڈسن میک چلتی گاڑی سے گر کر زخمی ہواتھا جس کے بعد انہیں یونیورسٹی آف الاباما ایٹ برمنگھم ہسپتال منتقل کیا گیا،ڈاکٹروں کے مطابق حادثے کے باعث ہڈسن میک کو شدید چوٹیں آئیں اور دوران علاج ان کی موت واقع ہوگئی۔
یہ بھی پڑھیں:بالی ووڈ میں خود کو منوانے کیلئے بہت جدوجہد کرنا پڑی،تاپسی پنو
پولیس حادثے کی وجوہات جاننے کی کوشش کررہی ہے، ابتدائی اطلاعات کے مطابق حادثے کے وقت گاڑی چل رہی تھی۔