امریکا،قبر کھودتے گورکن 7 فٹ ملبے تلے  دفن ہو گیا

(24نیوز)امریکا میں گورکن قبر کھودرہا تھا کہ خود اس میں دفن ہو  گیا۔لانگ آئی لینڈ میں 42 سالہ  گورکن اچانک 7 فٹ ملبے تلے دب گیا۔

غیرملکی میڈیا رپورٹ کے مطابق لانگ آئی لینڈ پر کام کرنے والے ایک گورکن کے ساتھ جان لیوا حادثہ پیش آیا، اور وہ اسی قبر میں دفن ہو گیا جو وہ کسی دوسرے شخص کے لئے کھود رہا تھا۔سفوک کاؤنٹی پولیس نے پریس ریلیز میں بتایا قبر صبح ساڑھے آٹھ بجے کے آس پاس گورکن پر گری تھی۔بتایا گیا کہ ساتھی ورکرز نے سفوک کاؤنٹی کے علاقے کورم کے رہائشی ایلیکاک کو نکالنے کی کوشش کی تھی لیکن وہ سات فٹ نیچے دفن تھا، اس لئے اسے نکالنے میں کافی وقت لگا۔پیشہ ورانہ حفاظت اور صحت سے متعلق تنظیم OSHA نے اطلاع ملنے کے بعد واقعے کی تحقیقات شروع کر دیں تاہم حکام نے اس سلسلے میں مزید معلومات جاری نہیں کیں۔