'ارطغرل غازی' کے ادا کارانگین التان کا کاشف ضمیر کو بڑا جھٹکا

(24نیوز) ترک ڈرامے 'ارطغرل غازی' میں مرکزی کردار ادا کرنے والے اداکار انگین التان نے کہا ہے کہ کاشف ضمیر نے طے کی گئی مدت کے باوجود معاہدے کی شرائط کو پورا نہیں کیا ، اسی لیے ہم نے یکطرفہ طور پر معاہدہ منسوخ کردیا ہے۔
تفصیلات کے مطا بق معاہدے کی منسوخی سے متعلق پریس ریلیز میں ترک اداکار نے کہا تھا کہ میں یہ اعلان کررہا ہوں کہ میں نے پاکستانی کمپنی 'چوہدری گروپ آف انڈسٹریز' سے برانڈ ایمبسیڈر کا معاہدہ منسوخ کردیا ہے۔
اس میں مزید کہا گیا تھا کہ تحریری معاہدے کے مطابق متعلقہ کمپنی، متفقہ رقم کا نصف حصہ پریس کانفرنس اور معاہدے پر دستخط کرنے سے قبل ادا کرنے کی پابند تھی لیکن ایک ماہ گزر جانے کے باوجود ابھی تک کوئی ادائیگی نہیں کی گئی۔اس لئے ہم قانونی چا رہ جو ئی کا حق محفو ظ رکھتے ہیں۔