خاتون غوطہ خور بال بال بچ گئی، ویڈیو سوشل میڈیا پر وائرل

(ویب ڈیسک) سکوبا ڈائیونگ سب سے حیرت انگیز  کھیلوں میں سے ایک ہے۔خاتون سکوبا غوطہ خورکی مہم جوئی اس وقت مہنگی پڑی جب وہ پانی میں اترنے ہی والی تھی ۔

انسٹا گرام پر شیئر کی گئی ویڈیو میں دیکھا جاسکتا ہے کہ خاتون سکوبا غوطہ خورپانی کے کھیلوں کے لیے درکار گیئر پہنے ہوئے ہے،ہر عمر  کا فرد پانی میں تیراکی سےلطف اندوز ہونا چاہتا ہے لیکن یہ پانی کے اندر ایڈونچر کا کھیل بعض اوقات خطرناک ہو سکتا ہے۔ اگرچہ مناسب گیئرز پانی کے اندر زندہ رہنے میں مدد دے سکتے ہیں لیکن خطرناک آبی جانوروں کے خطرے کو رد نہیں کیا جا سکتا۔

جیسا کہ ویڈیو میں دیکھا گیا ہے، ایک خاتون سکوبا غوطہ خورکی مہم جوئی میں درکار گیئر پہنے ہوئے دکھائی دے رہی ہے۔ لڑکی جوں ہی  کشتی سے نیچے اترتی ہے۔وہ پانی کی سطح پر پہنچتی ہے اور پانی میں چھلانگ لگانے کے لیے نیچے جھکتی ہے لیکن اچانک وہ رک جاتی ہے اور جلدی سے پیچھے ہٹ جاتی ہے۔

Whoops ???? pic.twitter.com/lY6j9X6LNq

— Daily Videos (@DailyVideosOnly) February 16, 2023

ویڈیو میں دیکھا جا سکتا ہے کہ ایک وہیل تیرتے ہوئے پانی کی سطح پر آجاتی ہے اور کھانے کئلیے اپنا منہ کھولتی ہے لیکن تب تک لڑکی دوبارہ کشتی پر چڑھ چکی ہوتی ہے۔ یہ واقعہ کیمرے میں قید ہو گیا۔

اس ساری صورتحال کو غوطہ خور کے پیچھے کھڑے ایک شخص نے کیمرے میں قید کر لیا تھا۔ ڈیلی ویڈیوز کی جانب سے ٹوئٹر پر شیئر کی گئی ویڈیو نے کئی نیٹیزنز کو بھی خوفزدہ کر دیا ہے۔ ویڈیو کے تبصروں سے صارفین کا خوف بالکل واضح ہے۔