خالدہ ضیا کا ملک میں فوری انتخابات کا مطالبہ

(ویب ڈیسک)بنگلہ دیش کے اہم سیاسی جماعت کے سربراہ اور سابق وزیراعظم بیگم خالدہ ضیا نے ملک میں فوری انتخابات کا مطالبہ کر دیا ہے۔
خبر رساں ادارے اے ایف پی کے مطابق بنگلہ دیش نیشنل پارٹی کی سربراہ بیگم خالدہ ضیا نےعبوری حکومت پر زور دیا کہ اپنے آپ کو صرف بنیادی اصلاحات تک محدود کرے تاکہ الیکشن جلد از جلد ہو سکے۔
لندن سے ویڈیو لنک پر پارٹی کارکنان اور رہنماؤں سے خطاب میں بیگم خالدہ ضیا کا کہنا تھا کہ ’لوگوں کو توقع ہے کہ جلد اور بنیادی اصلاحات کے بعد سب کیلئے قابل قبول الیکشن کرائے جائیں گے۔‘
یاد رہے کہ 79 سالہ بیگم خالدہ ضیا دو مرتبہ ملک کی وزیراعظم رہ چکی ہیں اور انہیں 2018 میں ان کے حریف شیخ حسینہ واجد کے دور حکومت میں کرپشن پر جیل ڈال دیا گیا تھا۔
گذشتہ سال اگست میں جب طلبا کے احتجاج کے نتیجے میں شیخ حسینہ واجد کی حکومت کا خاتمہ ہوا اور وہ انڈیا بھاگ گئیں تو خالدہ ضیا کو رہا کر دیا گیا تھا۔