بہت زیادہ دباؤتھا ،کوشش تھی اننگز کو لمبا لے کر جائیں، فوادعالم

(24نیوز)قومی ٹیسٹ ٹیم کے بلے باز فوادعالم کاکہناہے کہ مجھ پر بہت زیادہ دباؤتھا ،کوشش یہی تھی کہ اننگز کو لمبا لے کر جائیں ۔
فوادعالم نے پریس کانفرنس کرتے ہوئے کہاکہ ٹیم کو ایسی اننگز کی ضرورت تھی کوشش تھی پہلے جنوبی افریقا کے رنز کے قریب جائیں ،ہمیں اندازہ تھا کہ ہمیں چوتھی اننگز کھیلنی ہے اپنے ہوم گراونڈ پر سنچری بنانے پر بہت خوشی ہے۔
انہوں نے کہاکہ پاکستان میں میرا یہ ڈیبیو تھا اللہ سے عزت مانگی تھی ، مجھے مینجمنٹ اور کوچز نے بہت اعتماد دیا، انگلینڈ میں 2 اننگز میں ناکام بھی ہوا تھا۔
فوادعالم نے کہاکہ مصباح بھائی نے کہا مجھے آپ پر بھروسہ ہے آپ کروگے ہمیں ماضی کو بھول جانا چاہئے اور موجودہ پرفارمنس پر فوکس کرنا چاہئے، یونس بھائی سے بھی بہت مدد ملی، وہ ہماری سن کر اسی سے حل بتاتے ہیں ،یونس بھائی کہتے ہیں جب مسئلہ ہو آکر پوچھیں ۔
انہوں نے کہاکہ میرے نصیب میں نہیں تھا اس لئے پہلے نہیں ملا ،کبھی یہ نہیں سوچا کہ دس سال ہوگئے میری کوشش ہوتی ہے جو ملے اسی میں پرفارم کروں یہ نہیں سوچتا کہ دس سال ضائع ہوگئے ارتگرل جیت کے بعد گھوڑا اٹھاتا ہے اسی لیے ایسی سلیبریشن کی۔