بھارتی بیٹر کا ٹی ٹونٹی میں نیا ورلڈ ریکارڈ

(24 نیوز)بھارتی کرکٹ ٹیم کے نوجوان بیٹر تلک ورما نے ٹی ٹونٹی انٹرنیشنلز میں منفرد ورلڈ ریکارڈ قائم کر دیا۔

بھارت نے ہفتے کو چنئی میں 5 ٹی ٹونٹی میچز کی سیریز کے دوسرے میچ میں انگلینڈ کو سنسنی خیز مقابلے کے بعد 2 وکٹوں سے شکست دی،بھارت نے انگلینڈ کا 166 رنز کا ہدف تلک ورما کی شاندار بیٹنگ کی بدولت آخری اوور میں پورا کیا۔

بائیں ہاتھ کے بیٹر تلک ورما نے 55 گیندوں پر 72 رنز کی ناقابل شکست اننگز کھیلی اور اپنی ٹیم کو  انگلینڈکے خلاف سیریز میں 0-2 کی برتری دلا دی،تلک ورما نے انگلینڈ کے خلاف دوسرے ٹی ٹونٹی میں 72 رنز ناٹ آؤٹ اننگز  کی بدولت ٹی ٹونٹی انٹرنیشنلز میں منفرد ورلڈ ریکارڈ بنا دیا،تلک ورما ٹی ٹونٹی انٹرنیشنلز میں زیادہ سے زیادہ اننگز میں بغیر آؤٹ ہوئے سب سے زیادہ رنز بنانے والے بیٹر بن گئے۔

مزید پڑھیں:واجبات کی عدم ادائیگی: پاکستانیوں سمیت 6 غیرملکی کھلاڑیوں نے بی پی ایل میچ کا بائیکاٹ کردیا

ورمانے گزشتہ 4 اننگز میں بغیر آؤٹ ہوئے مجموعی طور پر 318 رنز سکور کیے جس میں 2 شاندار سنچریاں بھی شامل ہیں،تلک ورما کی گزشتہ 4 ٹی ٹونٹی اننگز کا سکور  (72، 19، 120، 107)  ہے، ان تمام اننگز میں وہ ناٹ آؤٹ رہے۔اس سے قبل ٹی ٹونٹی انٹرنیشنلز کی زیادہ سے زیادہ اننگز میں بغیر آؤٹ ہوئے زیادہ رنز بنانے کا ریکارڈ نیوزی لینڈ کے مارک چیپمین کے پاس تھا جنہوں نے 2023 میں بغیر آؤٹ ہوئے مجموعی طور پر 271 رنز بنائے تھے۔