ملک کے بیشترعلاقوں میں موسم سرد اور خشک رہنے کاامکان

(24نیوز)محکمہ موسمیات نے ملک کے بیشتر علاقوں میں موسم سرد اور خشک جبکہ پہاڑی علاقوں میں رات کے اوقات میں شدید سرد رہنے کی پیش گوئی کردی۔

محکمہ موسمیات کے مطابق اسلام آباد اور گرد و نواح میں موسم سرداور خشک رہنے کا امکان ہے،پنجاب کے بیشتر اضلاع میں موسم سرد اور خشک جبکہ مری، گلیات اور گرد و نواح میں رات کے اوقات میں موسم شدید سرد رہنے کا امکان ہے، سیالکوٹ، نارووال، گوجرانوالہ اور گرد و نواح میں دھند رہنے کی توقع ہے۔

سندھ اور بلوچستان کے بیشتر اضلاع میں موسم سرداور خشک جبکہ شمالی اضلاع میں شدید سرد رہنے کا امکان ظاہر کیا گیا ہے۔

یہ بھی پڑھیں:شبِ معراج آج مذہبی عقیدت و احترام کے ساتھ منائی جائے گی

خیبرپختونخوا کے بیشتر اضلاع میں موسم سرداور خشک جبکہ بالائی اضلاع میں شدید سرد رہنے کا امکان ہے، کشمیر اور گلگت بلتستان میں موسم شدید سرد اورخشک رہنے کا امکان ظاہر کیا گیا ہے۔