جومیل واریکن کا ساجد خان کو آؤٹ کرکے روایتی جشن، ویڈیو وائرل

(24 نیوز)پاکستان اور ویسٹ انڈیز کے درمیان آخری ٹیسٹ میچ میں چند خوشگوار لمحات بھی دیکھنے کو ملے جس میں جومیل واریکن کا ساجد خان کو آؤٹ کرکے جشن منانا بھی شامل ہے۔

ٹیسٹ کے تیسرے روز پاکستان ٹیم 254 رنز ہدف کے تعاقب میں 133 رنز بنا کر ڈھیر ہوگئی تھی،قومی ٹیم کے آخری آؤٹ ہونے والے کھلاڑی ساجد خان تھے جنہیں ویسٹ انڈیز کے سپنر جومیل واریکن نے کلین بولڈ کیا، جومیل واریکن نے وکٹ لینے کے بعد ساجد خان کے انداز میں ہی جشن منایا جس کی وڈیو سوشل میڈیا پر وائرل ہوگئی۔

مزید پڑھیں:چیمپئینز ٹرافی کے  وارم اپ میچز میں پاکستان شاہینز کے کھیلنے کا امکان

ویسٹ انڈین سپنر نے جشن مناتے ہوئے پہلے ساجد خان کو چار انگلیاں دکھائیں، پھر ایک ٹانگ اوپر کرکے اپنا ہاتھ ٹانگ پر مارا جبکہ دوسرا ہاتھ فضا میں بلند کرکے آؤٹ کا اشارہ کیا،جومیل واریکن کی جانب سے وکٹ لینے کے بعد اس طرح جشن منانے پر ساجد خان بھی مسکرا دیئے اور پویلین کی طرف چلے گئے۔