ICC چیمپئنز ٹرافی, ٹکٹس کی فروخت کا اعلان، قیمت کیا ہو گئی؟ جانئے

(محمد حماد)پاکستان میں 19 فروری سے 9 مارچ تک ہونیوالے آئی سی سی چیمپئنز ٹرافی کے گروپ میچز اور پہلے سیمی فائنل کے ٹکٹس کی فروخت کا آغاز 28 جنوری سے کر دیا جائے گا۔  جنرل اسٹینڈ کے ٹکٹ کے قیمت ایک ہزار پاکستانی روپے ہوگی جبکہ پریمیئم سیٹس کی مختلف کیٹیگریز میں 1500 روپے میں دستیاب ہوں گی

تفصیلات کے مطابق  شائقین  کرکٹ اب  چیمپئنز ٹرافی کے  اپنے ٹکٹ حاصل کرسکتے ہیں، آئی سی سی چیمپئنز ٹرافی کا انعقاد پاکستان میں 19 فروری سے 9 مارچ تک ہوگا جبکہ بھارت کے میچز یو اے ای میں کھیلے جائیں گے۔پی سی بی نے چیمپئنز ٹرافی کے گروپ میچز اور پہلے سیمی فائنل کے ٹکٹوں کی فروخت کی تاریخ کا اعلان کردیا، شائقین اپنے ٹکٹ منگل 28 جنوری سے گلف اسٹینڈرڈ ٹائم دوپہر ایک بجے اور پاکستان اسٹینڈرڈ ٹائم دوپہر 2 بجے حاصل کرسکیں گے۔آئی سی سی فیملی ممبرز کو خصوصی طور پر یہ سہولت حاصل ہوگی کہ وہ یہ ٹکٹ پہلے خرید سکتے ہیں، ان کیلئے ٹکٹ پیر 27 جنوری کو دوپہر ایک بجے سے دستیاب ہونگے۔آئی سی سی کے مطابق جنرل اسٹینڈ کے ٹکٹ کے قیمت ایک ہزار پاکستانی روپے ہوگی جبکہ پریمیئم سیٹس کی مختلف کیٹیگریز میں 1500 روپے میں دستیاب ہوں گی، جن میں کراچی، لاہور اور راولپنڈی میں ہونیوالے 10 میچز شامل ہیں۔آئی سی سی کا کہنا ہے کہ فزیکل ٹکٹس بھی پاکستان میں ٹی سی ایس کے منتخب ایکسپریس سینٹرز پر دستیاب ہوں گے، جن کا اعلان مناسب وقت پر کیا جائے گا۔دبئی میں بھارت کے میچوں کے بارے میں معلومات جلد بتائی جائیں گی تاہم خواہشمند حضرات خود کو رجسٹر کراسکتے ہیں، چیمپئنز ٹرافی کے فائنل کے ٹکٹس  جو 9 مارچ کو کھیلا جائے گا، دبئی میں ہونیوالے پہلے سیمی فائنل کے اختتام پر دستیاب ہوں گے۔

یہ بھی پڑھیں:کبریٰ خان اور گوہر رشید کا نکاح کس ملک میں ہوگا؟