کوئٹہ میں زلزلے کے جھٹکے ،لوگوں میں خوف و ہراس

(24نیوز) بلوچستان کے دارالحکومت کوئٹہ سمیت مضافات میں زلزلے کے جھٹکے محسوس کئے گئے جس کے باعث لوگوں میں خوف و ہراس پھیل گیا۔

تفصیلات کے مطابق بلوچستان کے کئی اضلاع میں زلزلے کے جھٹکے محسوس کئے گئے،صوبائی دارلاالحکومت کوئٹہ سمیت مضافات میں زلزلے کے جھٹکے محسوس کئے گئے۔

زلزلہ پیما مرکز کے مطابق ریکٹر سکیل پر زلزلے کی شدت 3.7 ریکارڈ کیا گیا،زلزلے کی زیر زمین گہرائی 19 کلومیٹر تھی، زلزلے کا مرکز کوئٹہ سے 19 کلومیٹر مغرب کی جانب تھا۔ 

کوئٹہ اور اس کے گردونواح میں زلزلے کے جھٹکے محسوس کیئے گئے ہیں ۔

 زلزلے کے جھٹکوں کے باعث شہری کلمہ طیبہ کا ورد کرتے ہوئے گھروں سے باہر آ گئے تاہم فی الحال کسی قسم کے نقصان کی رپورٹ موصول نہیں ہوئی ہے،ریسکیو اداروں کو الرٹ کر دیا گیاہے ۔

یہ بھی پڑھیں؛  50 روز میں تیار ہونیوالا مہنگاترین نمک بامبو سالٹ، قیمت30000 روپے کلو