مونس الہٰی کا اگلا ہدف کیا ہوگا؟ نیا پینڈوراباکس کھل گیا

(24نیوز) سماجی رابطوں کی ویب سائٹ ٹوئٹر پر ایک ٹوئٹ میں مونس الہٰی نے کہا ہے کہ اللہ پاک کے فضل سے ایک مشن پورا ہوگیا، اب دوسرے مشن کے لیے تن من دھن کی بازی لگائیں گے۔ انہوں نے عندیہ دیا کہ اب عمران خان کو واپس وزیراعظم کی کرسی پر بٹھانا ہے۔ 

اللہ پاک کے فضل سے ایک مشن پورا ہو گیا اب دوسرے مشن کے لیے تن من دھن کی بازی لگائیں گے اور انشاءاللہ PM @ImranKhanPTI کو واپس اپنی کرسی پہ لے کر آئیں گے۔ pic.twitter.com/reK5UJ5LmC

— Moonis Elahi (@MoonisElahi6) July 27, 2022

انہوں نے اپنی ٹوئٹ میں دوتصویریں شیئرکیں۔ جن میں سے ایک میں ان کے والد چودھری پرویز الہٰی وزیراعلیٰ پنجاب کا حلف اٹھا رہے تھے تو دوسری میں عمران خان کو حلف اٹھاتے دکھایا گیا تھا۔ 

یہ بھی پڑھیں: سپیکر پنجاب اسمبلی کون ہوگا؟ جوڑ توڑ کا آغاز ہوگیا

یاد رہے کہ گزشتہ روز سپریم کورٹ نے ڈپٹی سپیکر پنجاب اسمبلی کی رولنگ کو کالعدم قرار دیا تھا۔ جس کے بعد حمزہ شہباز وزیراعلیٰ نہیں رہے تھے۔ حکومت نے پرویزالہٰی کو رات ساڑھے گیارہ بجے تک حلف اٹھانے کا حکم دیا تھا۔ تاہم گورنر پنجاب کے حلف نہ لینےکے بعد اسلام آباد میں صدر پاکستان نے ان سے حلف لیا۔