امارات کے صدر شیخ محمد بن زید النہیان کے بھائی انتقال کرگئے

(ویب ڈیسک)ابوظہبی کے حکمران کے نمائندے شیخ سعید بن زیدالنہیان انتقال کر گئے ، وہ کچھ عرصے سے علیل تھے،وہ متحدہ عرب امارات کے صدر شیخ محمد بن زاید النہیان کے بھائی تھے۔
غیرملکی خبررساں ادارے کے مطابق صدارتی دربار نے تین دن کیلئے سرکاری سوگ اور پرچم سرنگوں رکھنے کا اعلان کیا ہے،شیخ سعید کو جون 2010 میں ابوظہبی کے حکمران کا نمائندہ مقرر کیا گیا تھا۔وہ ابوظہبی ایگزیکٹو کونسل کے سابق رکن اور میری ٹائم پورٹ اتھارٹی (ابوظہبی)چیئرمین کے عہدے پر بھی فائز رہ چکے ہیں۔22 جولائی کو ان کے انتقال سے پانچ دن پہلے صدارتی دربار نے اعلان کیا تھا کہ شیخ سعیدصحت کے مسائل سے دوچار ہیں۔

یہ بھی پڑھیں: سری لنکا کیخلاف ٹیسٹ سیریز میں شاندار کامیابی، پاکستان نے ایک اور اعزاز اپنے نام کرلیا