کراچی :مختلف علاقوں میں اتوار کو گیس بند رہے گی
![کراچی :مختلف علاقوں میں اتوار کو گیس بند رہے گی](https://www.24urdu.com/digital_images/large/2024-07-27/news-1722054986-9270.jpg)
کیپشن: فائل فوٹو
سورس: گوگل
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز)سوئی سدرن گیس کمپنی نے کراچی کے مختلف علاقوں میں اتوار کو گیس بندش کا شیڈول جاری کر دیا۔
سوئی سدرن کی جانب سے جاری کردہ اعلامیے کے مطابق 31 کلومیٹر گیس پائپ لائن کو سسٹم سے جوڑا جائے گا، جس وجہ سے اتوار صبح 5 بجے تا پیر صبح 5 بجے تک مختلف علاقوں میں گیس بند ہو گی،اعلامیے میں کہا گیا ہے کہ اتوار کو سرجانی ٹاؤن، نارتھ کراچی کے تمام سیکٹرز اور منگھو پیر میں گیس بند رہے گی،اس علاوہ قصبہ کالونی، اورنگی ٹاؤن، نارتھ ناظم آباد کے تمام بلاکس میں گیس بند ہو گی۔
اعلامیے میں کہا گیا ہے کہ ایف بی ایریا، گلبرگ، بفرزون، سائٹ انڈسٹریل ایریا، بلدیہ ٹاؤن اور ماڑی پور کے علاقے بھی متاثر ہوں گے،سوئی سدرن کا کہنا ہے کہ گلشن معمار، احسن آباد، سائٹ سپرہائی وے اور اطراف میں بھی گیس کی فراہمی معطل ہو گی۔