بیوی نے شو ہر کو تیسری شادی کرتے رنگے ہاتھوں پکڑ لیا، ویڈیو وائرل

(ویب ڈیسک) بیوی نے اپنے شوہر کو تیسری شادی کرتے ہوئے رنگے ہاتھوں پکڑ لیا، خوب درگت بنوائی۔

تفصیلات کے مطابق بھارت کے شہر حیدر آباد سے تعلق رکھنے والے ایک شخص کو اس کی بیوی نے تیسری شادی کرتے ہوئے رنگے ہاتھوں پکڑ لیا۔ عورت نے ہال میں داخل ہو کر ہنگامہ آرائی کرتے ہوئے دعوہ کیا کہ دولہا بنا شخص اس کا شوہر ہے اور اس کے بچے کا باپ بھی ہے۔ 

مزید پڑھیں: عقاب کے شکار کی حیرت انگیز ویڈیو وائرل

عورت کی ہنگامہ آرائی کے بعد ہال میں آئے سبھی مہمان حیران رہ گئے۔ دولہا اور شادی میں آئے مہمان اس عورت کو الگ جگہ لے گئے لیکن عورت اپنی بات سے پیچھے نہ ہٹی اور مسلسل اس بات کا دعوہ کرتی رہی کہ دولہا بنا شخص اس کا شوہر ہے اور یہ اس کی دوسری نہیں تیسری شادی ہے۔ 

Kalesh B/w Wife and her Husband over 2nd Marriage of Her Husband pic.twitter.com/z3WavXAbi6

— Ghar Ke Kalesh (@gharkekalesh) March 26, 2023

شادی ہال میں شور مچاتی عورت کا یہ بھی کہنا تھا کہ دولہا اور اس کے گھر والوں نے میرے ساتھ دھوکا کیا ہے اور اب اس لڑکی کے ساتھ بھی دھوکا کر رہے ہیں۔  

اس ہنگامہ آرائی کی ویڈیو شادی میں آئے کسی مہمان نے ریکارڈ کر کے سوشل میڈیا پر شیئر کردی جو کہ خوب وائرل ہو رہی ہے۔ ویڈیو کو اب تک لاکھوں ویوز، لائکس، اور شیئرز مل چکے ہیں جبکہ سوشل میڈیا صارفین کی جانب سے ویڈیو پر طرح طرح کے تبصرے بھی کیے جا رہے ہیں۔