(اویس کیانی) وزیراعظم شہباز شریف نے وفاقی کابینہ کا اہم اجلاس جمعرات کو طلب کرلیا۔
اجلاس میں ملکی سیکیورٹی اور معاشی صورتحال کا تفصیلی جائزہ لیا جائے گا۔ رمضان پیکج علمدار اور نجکاری کے امور پر بھی غور ہو گا جبکہ اہم ایجنڈا آئٹمز کی منظوری لی جائے گی۔
واضح رہے کہ وفاقی کابینہ کا آج ہونے والا اجلاس ملتوی کر دیا گیا، وفاقی کابینہ کا اجلاس اب 28 مارچ جمعرات کے روز ہوگا۔
مزید پڑھیں: فضا سے گرائی جانے والی امداد حاصل کرنے کی کوشش، مزید 18 فلسطینی شہید
سیکیورٹی سے متعلق اجلاس میں وزارت داخلہ محسن نقوی کی جانب سے امن و امان کی صورتحال پر تفصیلی بریفنگ دی جائے گی ،بشام دہشتگردی واقعے کے بعد کی تحقیقات پر کابینہ کو آگاہ کریں گے۔ مختلف منصوبوں پر کام کرنے والے چینی باشندوں کی سیکیورٹی کا جائزہ بھی لیا جائے گا۔
اجلاس میں سینیٹ الیکشن اور سیاسی صورتحال پر اہم فیصلے بھی متوقع ہیں۔