دانش تیمورنے 4 شادیوں کے بیان پرمعذرت کی ویڈیو ڈیلیٹ کر دی
Stay tuned with 24 News HD Android App
(ویب ڈیسک)معروف اداکار و ماڈل دانش تیمور نے کچھ روز قبل 4 شادیوں کی اجازت سے متعلق دیے گئے اپنے بیان پر وضاحت اور معذرت پرمبنی ویڈیو ڈیلیٹ کر دی ۔
دانش تیمور ایک نجی ٹی وی پر رابعہ انعم کے ساتھ رمضان نشریات کی میزبانی کررہے ہیں،گذشتہ دنوں انہوں نے اہلیہ اداکارہ عائزہ خان کواپنے شومیں مدعو کیا تھااوردوران گفتگو دانش تیمور نے عائزہ خان سے محبت کا اظہار کرتے ہوئے کہا تھا کہ آج یہ میں عائزہ اور سب کے سامنے کہوں گا کہ مجھے اجازت ہے 4 شادیوں کی لیکن میں کر نہیں رہا وہ الگ بات ہے، یہ اجازت مجھے اللّٰہ نے دی ہوئی ہے اس لیے مجھ سے کوئی چھین نہیں سکتا، لیکن یہ میرا عائزہ کے لیے پیار اور احترام ہے کہ میں فی الحال ان کے ساتھ ہی زندگی گزارنا چاہتا ہوں۔
لفظ "فی الحال" نے سوشل میڈیا پر ایک بڑے تنازع کو جنم دیا تھا جس پر کئی اہم شخصیات نے دانش تیمور کو تنقید کا نشانہ بنایا تھااورشدید تنقید کے بعدانہوں نے اپنے انسٹاگرام اکاؤنٹ پر ایک ویڈیو جاری کرتے ہوئے اپنے مداحوں سے معافی مانگی تھی.
یہ بھی پڑھیں:ایشوریا رائے کی گاڑی کو ممبئی میں بس کی مبینہ ٹکر
تاہم اب دانش تیمور کی جانب سے اپلوڈ کی گئی وضاحت اور معذرت پر مبنی وہ ویڈیو ڈیلیٹ کر دی گئی ہے۔