(ویب ڈیسک) وزیراعلیٰ پنجاب مریم نواز شریف نےکہا ہے کہ تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے۔
آج پاکستان سمیت دنیا بھر میں تھیٹر کا عالمی دن منایا جا رہا ہے،یہ دن منانے کا مقصد سماجی و معاشرتی مسائل کو اجاگر اور اپنے خیالات و نظریات کا تبادلہ کرنا ہے۔
تھیٹر کے عالمی دن پر پیغام جاری کرتے ہوئے وزیر اعلیٰ پنجاب مریم نواز شریف نے کہا ہے کہ تھیٹر فن و ثقافت کا آئینہ دار ہے، تھیٹر معاشرتی اقدار کی عکاسی اور شعور بھی فراہم کرتا ہے، باشعور اور ترقی یافتہ معاشرے میں معیاری تھیٹر کو باوقار مقام حاصل ہوتاہے۔
مریم نوازشریف نے مزید کہا کہ پنجاب حکومت تھیٹر کی اپ گریڈیشن کے لیے اقدامات کر رہی ہے، تھیٹر کو مثبت اور باوقار تفریح کا ذریعہ بنانے کے لیے اقدامات کئے جارہے ہیں، فنکاروں کی فلاح و بہبود کے لیے آرٹسٹ فنڈ قائم کردیا گیا ہے۔
یہ بھی پڑھیں:وزیراعظم شہباز شریف نے پرائم منسٹر ڈیجیٹل یوتھ ہب کا افتتاح کر دیا
انہوں نے کہا کہ فن اور فنکار کی فلاح و بہبود ترجیحات میں شامل ہے،تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے،تھیٹر پاکستان کے مثبت تشخص اورتہذیبی ورثے کے فروغ میں نمایاں کردار ادا کرسکتا ہے۔